War rasmi ah oo kasoo baxay xukuumadda ridada ah ee Turkiga ayaa lagu sheegay in gacanta lagusoo dhigay shabakad jawaasiis ah oo si toos ah ugu shaqeynayay dowladda ridada ah Imaaraatka Carabta.
Dacwad oogaha guud ee magaalada Istanbuul ayaa bayaan uu soo saaray ku sheegay in ciidamada sirdoonka wadankaas ay fashiliyee koox basaasiin ah oo ku howllaneed in ay hesho xogo xasaasi ah iyadoo toos ugusii gudbinaysay xukuumadda Abu Dubai.
Turkigu wuxuu sheegay in shabakaddan gacanta lagu dhigay lagu helay aruurinta macluumaadka warshadaha hubka soo saara, helidda xarumaha waaweyn ee sirdoonka iyo dhageysiga taleefannada mas’uuliyiinta ugu sarraysa dowladda Turkiga.
Jawaasiistan katirsan sirdoonka Imaaraatka Carabta ayaa sameystay hab isgaarsiineed oo ay iskula xiriirayeen si ay uga dhuuntaan sirdoonka Turkiga waxaana qorshahooda kamid ahaa in ay udhacaan goobaha xasaasiga Turkiga.
Sidoo kale bayaanka ayaa lagu sheegay in basaasiinta Imaaraatka ay beegsadeen shaqalaha shaqaale jagooyin sarsare ka haya hay’adaha difaaca Turkiga.
Waxaa gacanta lagusoo dhigay sedax kamid ah jawaasiista dowladda Imaaraatka Carabta halka midka 4aad uu dibadda ubaxsaday.
Dowladaha Turkiga iyo Imaaraatka Carabta waxaa ka dhaxeeya xifaaltan awoodeed waxaana xusid mudan in labada dhinac ay xiriir laleeyihiin Mareykank iyo Yahuudda Sahyuuniyadda