Tan iyo waaberigii hore ee maalinta Jimcaha, waxaa magaalada Qaza ka da’ayay roobabka xilliga Jiilaalka oo bulshadu ay ku diirsadeen, inkastoo dhinaca kale lasoo sheegay in uu maasheeyay teendhooyin badan oo ay deganaayeen dadka barakacayaasha ah.
Ku dhawaad 900,000 barakacayaal ah, gaar ahaan kuwa ku sugan galbeedka Khaan-Yuunis ee marinka Qaza, ayaa la warinayaa in ay halis ugu jiraan biyaha xad-dhaafka ah ee xeryahooda kusoo fatahay.
Muuqaallo iyo sawirro lagu faafiyay baraha bulshada ayaa muujinaya teendhooyin badan oo ay biyuhu hareereeyeen, iyadoo la arkayay carruur yar-yar oo la la tacaalaysa qaboowga daran, maadaama aysan haysan dhar iyo agab ku filan oo ka difaaci kara dhaxanta, waxaase xusid mudan in muuqaalladu sidoo kale soo bandhigayaan dulqaadka iyo adkeysiga dadka reer Qaza.
Si kastaba, magaallada Qaza waxaa laga soo sheegayaa warar aan dhegaha muslimiinta u wanaagsaneen, iyadoona maamulka Sahaayinada Yahuuddu jabiyay heshiiskii xabad-joointa, ee ay la galeen kooxaha Muqaawamada Filistiin, kaddib markii ay si buuxda ula wareegeen maxaabiistooda, nolol iyo geeri intaba.
Saacadihii lasoo dhaafay Yahuudda waxay dilal bareer u geysteen illaa saddex ruux oo mid ka mid ah haween ahayd, taasoo gumaytuhu ay ku beegsadeen xaafadda Baytu-Laahiya.
Kayaanka Yahuudda ayaa tan iyo heshiiska xabad-joojinta ku kacay illaa 282 weerar, kawaasi oo sababay shahiidka ugu yaraan 242 qof oo rayid ah iyo dhaawaca in ka badan 620 kale, halka tirrada guud ee ku shahiiday cudwaanka cadawga ee soo bilowday 8 Oktobar ay gaarayso in ka badan 69,000 iyo dhaawaca 170,000.
Sawirro Roobabka Qaza.
