Wefti ballaaran oo ka socda dawladda saliibiyadda Maraykanka ayaa galabnimadii shalay socdaal indho-indhayn ah oon horey loosii shaacin ku tagay magaalo-xeebeedka Berbera ee waqooyiga dalka Soomaaliya.
Taliyaha guud ee ciidamada Maraykanka ee qaaradda Afrika oo weftigan hoggaaminayay ayaa booqday goobo ay ka mid yihiin madaarka caalamiga ah ee Berbera, kaas oo muddooyinkii u dambeeyey la hadal-hayay in Maraykanku damacsan yahay in uu ka dhigto saldhig millateri.
Weftigan oo sidoo kale ay ka mid ahaayeen saraakiil ciidan iyo safiir-ku-xigeenka safaaradda Maraykanka ee Soomaaliya, ayaa waxa kale ay soo kormeereen goobo kale oo muhiim ah sida dekedda istaraatiijiga ah ee magaalada Berbera.
Ka hor intii weftigani aanay kasoo degin magaalada Berbera waxay soo mareen oo kulan fool-ka-fool ah ay magaalada Hargeysa kula soo yeesheen madaxweynaha maamulka ashahaado-la-dirirka Somaliland Murtad C/Raxmaan-Cirro oo ay weheliyaan xubno ka tirsan xukuumaddiisa.
Bayaan kasoo baxay madaxtooyada Riddada Somaliland ayaa lagu sheegay in kulankan laba-geesoodka ah lagu gorfeeyey xoojinta iskaashiga maamullada Hargeysa iyo Washington, gaar ahaan dhinacyada amniga, xasilloonida gobolka, iyo ilaalinta wax ay ku sheegeen danaha wadajirka ah ee ay labada dhinac ku leeyihiin Gobolka Geeska Afrika iyo Badda Cas.
Taliyaha AFRICOM Janaraal Dagvin Anderson ayaa xusay sida lagu sheegay bayaanka, in Somaliland ay ku taallo goob istiraatiiji ah oo muhiim u ah amniga guud ee Badda Cas iyo ka Gobolka Geeska Afrika iyo muhiimadda ay leedahay iskaashi dhaw oo labada dhinac ay yeeshaan.
Murtad Cirro ayaa la sheegay in weftiga Maraykanka uu ku baraarujiyey in Somaliland ay tahay Saaxiib la isku hallayn karo oo Maraykanku leeyahay, isla markaana danaha Amni iyo kuwa Istiraatijiyadeed ee Maraykanku uu ku leeyahay Gobolka Bariga Afrika ay si dhab ah ugu jiraan Aqoonsiga Somaliland.
War-saxaafadeedka kasoo baxay maamulka gaallo-raaca ah ee Hargeysa ayaa lagu sheegay in kulankaasi uu kusoo idlaaday is-afgarad buuxa oo laga gaaray iskaashiga amniga, kor u qaadista hawl-gallada istiraatiijiga ah ee Badda Cas iyo amniga guud ee Gobolka Geeska Afrika.
Ilo-wareedyo madax-bannaan oo ay soo xigteen qaar ka mida warbaahinta maxalliga ah ee waqooyiga Soomaaliya, ayaa tibaaxaya in la filayo in Maraykanku uu bishan foodda innagu soo haysa ee December uu u soo guuri doono magaalada Berbera.
Maalin ka hor ahay ahayd markii Taliyaha AFRICOM gaal Dagvin Anderson uu magaalada Addis Ababa kulan kula yeeshay R/Wasaare Abiy Axmed iyo taliyaha ugu sarreeya ciidanka Xabashida Itoobiya. Iyadoo sida la sheegay Janaraal Anderson uu taageeray damaca badeed ee Itoobiya.
Jeneraal Birhanu Jula oo ah Taliyaha millateriga Itoobiya oo kulankaasi qeyb ka ahaa ayaa isna sheegay in Taliyaha AFRICOM iyo saraakiil kale oo la socotayba ay u riyaaqeen damaca gurracan ee Itoobiya ay ku rabto marin ay ka hesho biyaha Badda Cas.