Dowladda salibiyadda Mareykanka ayaa ku dhawaaqday in ay dalkeeda ka mamnuucday saraakiisha ugu sarreeya maamulka dabadhilifka Falastiin oo uu ku jiro Madaxweynaha maamulkaasi Maxamuud Cabaas in ay helaan fiisaha gelitaanka Mareykanka isla markaana ay ka laashay fiisooyinkii hore loo siiyay.
Xukuumadda Washington waxay sheegtay in aanay Mareykanka cagta soo dhigi karin saraakiisha maamulka dabadhilifka ee fadhigiisu yahay magaalada Ramallah, kaasi oo jaasuus u ah kiyaanka Sahyuuniga, waxa lagu heystana waa in uu mararka qaar dhaleeceeyo xasuuqa ciidanka Sahaayinada ee magaalada Qaza, islamarkaan uu aqoonsi ku sheeg ka dalbado dowladaha gaalada caalamka.
Tallaabadan ayaa looga golleeyahay in laga hortago ka qaybgalka madaxda Falastiiniyiinta ee shirweynaha guud ee waxa loogu yeero Qaramada Midoobay ee lagu qabanayo magaalada New York bisha soo socota ee September.
Wasaaradda Arrimaha Dibadda ee maamulka maqaarsaarka Falastiin ayaa ku muujisay yaab iyo caro go’aanka Washington, iyada oo ku tilmaantay mid jebinaya heshiiska xarunta Qaramada Midoobay, kana hor imanaya qawaaniinta gaalada adduunka ee dejinaya xuquuqda wafdiyada rasmi ah.
War-saxaafadeed ka soo baxay Wasaaradda Arrimaha Dibadda ee Mareykanka ayaa lagu yiri “Wasiir Marco Rubio uu go’aansaday in la joojiyo dhammaan fiisooyinka xubnaha Ururka Xoreynta Falastiin ee loo yaqaan PLO iyo maamulka Falastiin ka hor inta aan la furin kal-fadhiga guud ee Qaramada Midoobay.” sidaas ayaa lagu daabacay bogga sarmiga ah ee wasaaradda.
Mareykanka ayaa ku dooday in tallaabadani ay tahay mid ku habboon danaha amniga qaranka, isagoo ku eedeeyay hogaanka kooxda Maxamuud Cabaas in ay ku guuldarreysteen ballanqaadyadii nabadeed isla markaana ay qaadeen tallaabooyin ka caraysiin kara maamulka Yahuudda.
Sidoo kale Washington waxay ku eedeysay maamulka Falastiin inuu qaaday dagaal maxkamadeed, iyadoo adeegsanaysa Maxkamadda loogu yeero Cadaaladda iyo Maxkamadda Dambiyada Caalamiga ah si ay dacwad uga gudbiso R/wasaaraha Yahuudda.
Maamulka Trump wuxuu ku eedeeyay Maxamuud Cabaas iyo kooxdiisa in uu sameeyay dadaallo uu ku dowladaha Yurub uga raadsanayo aqoonsi ku sheeg.
Tallaabadan ayaa banaanka soo dhigaysa in waxa loogu yeero Q.Midoobay ay tahay hay’ad uu Mareykanku ku leeyahay kana shaqeysay masaalixdiisa iyo midda Yahuudda islamarkaana aanay tegi karin cid walba oo Yahuudda wax ka sheegta.
Waxaa xusid mudan in tan iyo markii uu billaawday duullaanka cudwaaniga ah ee magaalada Qaza uu maamulka dabadhilifka Maxamuud Cabaas uu sare uqaaday wadahashaqeynta kala dhaxaysa Sahyuuniyadda, isagoo isku diyaarinayo in lagu wareejiyo maamulka Qaza haddii laga adkaado xoogaga muqaawamada.