Deggaannada uu ka arrimiyo maamulka Riddada Somaliland waxaa marba marka ka dambaysay kusii badanaya xad-gudubyo xarkaha goostay ee sida gaarka ah loogu bartilmaameedsanayo macallimiinta dugsiyada Qur’aanka ee ku nool deggaannadaasi.
Guux iyo dareen caro leh ayaa ka taagan magaalada Burco, kadib markii maxkamadda Riddada ee gobolka Togdheer ay 14 sano oo xarig xaq-darro ay ku xukuntay macallin muddo ka badan 20 sano dhigayay qur’aanka Kariimka, isla markaana Khadiib iyo imaam ka ahaa mid ka mida masaajidda Burco.
Macallinkan oo muddo ka badan 7 bilood ku xiran xabsiga magaalada Burco ayaa lagu eedeeyey kufsi been-abuur ah, iyadoo sida la xaqiijiyey maxkamad tan ka horreysay ay wax dambiya ku wayday isla markaana caddaysay in kiiskaasi uu yahay been-abuur aan sal iyo raad toona lahayn.
Macallimiinta qur’aanka iyo guud ahaan bulshadda ku dhaqan magaalooyinka Burco iyo Hargeysa ayaa si weyn uga qaylo-dhaamiyey tacaddiga lagula kacay macallinkan iyo guud ahaan xad-gudubyada suurad-xumaynta ah ee maamulka Riddada Cirro uu ku bartilmaameedsanyo macallimiinta Qur’aanka. Waxaanay ku baaqeen in degdeg ah loo sii daayo macallinkaasi.
Sidoo kale ehellada macallin-qur’aanka la xukumay oo baraha bulshada kasoo muuqday iyagoo garwaaxsan qoryo AK47 ah, wajiyadooduna furan yihiin ayaa si adag uga dhiidhiyey dhacdadan foosha xun, waxaanay ku gooddiyeen in ay qaaddi doonaan weerarro aar-goosi ah haddii sida ugu dhakhsaha badan oodda looga soo qaadi waayo macallinkaasi la dulmiyey.
Weerarro ay ku beegsan doonaan xarumaha riddada ayay shaaciyeen ehelladaasi, waxaanay wacad ku mareen in murtadkastoo kiiskan ku lug-lahaa ay bartiisa ku beegsan doonaan, isla markaana gobolka Togdheer uu u kala bixi doono Gaal iyo Muslim. Iyagoo dhanka kalena muujiyey sida ay ugu baahan yihiin taageerada walaalaha muslimiinta ah.
Macallinkan u dambeeyey ee lagu xukumay 14-ka sano, waxaa ka horreeyey ugu yaraan 8 macallin oo kale oo magaalada Burco ka dhigi jiray Qur’aanka Kariimka, kuwaas oo sidan oo kale loogu soo oogay, kiisas suurad-xumayn ah, balse markii dambe la iska sii daayay, kadib markii lagu waayay falalkaasi, maxkamadaha daaquudkuna caddeeyeen in kiisaskaasi ay yihiin kuwo been-abuur ah.
Maamulka ashahaado-la-dirirka Somalilland iyo hey’adaha gaallada ee ku sugan deggaannadaasi ayaa la xaqiijiyey inay si wada-jira ah isaga kaashadaan fulinta dulmigan bareerka ah ee magac-dilka iyo suurad-xumeynta isugu jira ee sida gaarka ah loogu bartilmaameedo macallimiinta dugsiyada qur’aanka ee ka jira deggaannada uu ka arrimiyo maamulka gaallo-raaca ah ee fadhigiisu yahay magaalada Hargeysa.