Wararka ka imaanaya wadanka Afghaanistan ayaa sheegaya in saacadihii lasoo dhaafay diyaaradaha xukuumadda dabadhilifka ah ee Pakistan ay duqeymo laayaan ah ka geysteen gobol ka tirsan dalkaasi.
Duqeynta oo dhacday xilli saq dhexe ah ayaa lagu beegsaday guri ay deganaayeen dad rayid ah oo ku yaalla gobolka Khost ee wadankaas, waxaana ka dhashay khasaare nafeed.
Ugu yaraan 10 qof oo ay ku jiraan Sagaal carruur ah iyo haweeney ayaa ku shahiiday duqeymaha maamulka Islamabad, sida uu xaqiijiyay Dabiixullaahullaahi Mujaahid oo ah afhayeenka xukuumadda Islaamiga ah ee Kapul.
Duqeymahan ayaa imaanaya xilli mudooyinkii lasoo dhaafay maamulka dhabadhilifka Pakistan uu kordhiyay weerarada laayaanka ah ee ay diyaaradihiisu ka fulinayaan dalka Afgaanistan.
Weeraradan ayaa loo arkaa kuwa ay Islamabad ku fulinayso ajandayaasha Isbahaysiga NATO iyo Mareykanka, kuwaas oo ah in lawiiqo awoodda islaamiga ah ee Afghanistan ka hana qaadday, sida mas’uuliyiinka Kapul ay ka dhaaajiyeen.
Bishii lasoo dhaafay ayay ahayd markii diyaaradaha dowladda Ridada Pakistan ay duqeymo xooggan oo ay ka geysteen magaalada caasimada ah ee Kapul, ay ku shahiideen ugu yaraan 12 qof oo haween iyo carruur isugu jira.
FAAFEEB PRO