Ugu yaraan 7 ruux oo ay ku jiraan askar boolis ah ayaa lagu dilay weerarro abaabulan oo Sabtidii shalay ka dhacay gudaha dalka Kenya, sida ay xaqiijiyeen mas’uuliyiin ka tirsan xukuumadda Nairobi.
Burcad hubaysan ayaa la sheegay in weerarradan ay si gaar ah uga fuliyeen deggaanno ka tirsan gobollada Meru iyo Isiolo oo dhaca bariga dalka Kenya.
Sida ay xogtu tibaaxayso laba ka mida dadka la laayay waxa lagu dilay gobolka Meru, halka saacado kadibna gobolka Isiolo lagu khaarajiyey 5 qof oo kale, iyadoo burcaddii falkan geysatay ay halkaasi ka kaxaysteen xoolo fara badan.
Ilaa Lix boqol oo neef oo lo’ ah ayaa lagu soo warramayaa in burcaddani ay ka dhaceen deggaannadaasi intii weerarradu ay socdeen.
Mas’uul ka tirsan dadka deggaanka Meru ayaa sheegay in laba ka mid ah dadka dhintay la dilay kadib markii ay weerareen burcadda iskuna dayeen in xoolahooda ay kasoo ceshadaan.
Saraakiisha ammaanka ee dawladda saliibiyadda Kenya ayaa sheegay inay aaminsan yihiin in hawl-galladani ay ahaayeen kuwo qorsheysan oo si weyn loo soo abaabulay.
Dhacdooyinka noocan ah ee burcadda hubaysani ay ku ay ku beegsadaan dadka xoola-dhaqatada ah ayaa aad ugu badan bulshadda ku nool gobollada dhaca waqooyiga iyo bariga dalka Kenya.