Xilli hubanti la’aan uu ku jiro masiirka magaalada Bamako ee caasimada dalka Maali, ayaa isa soo taraya walaacyada marba marka ka danbeysa laga muujinayo inay ku dhacdo gacanta ciidamada Mujaahidiinta ee Jamaacadda Nusratul Islaam Wal-Muslimiin.
Khabiir lagu magacaabo Cabdi Fataax oo u warramay wakaaladda wararka ee Anadool ayaa si xeel-dheer uga hadlay arrinta kasoo cusboonaatay Mali, isagoo si gaar ah diiradda u saaray go’doonka dhaqaale ee ay ciidamda Mujaahidiintu kusoo rogeen magaalada caasimada ah ee Bamako.
Ugu horreen waxaa uu si dhow u saadaaliyay in Nusratul Islaam ay weerarri doonto Bamako, isagoo u sababeeyay in dalalka saaxilka aysan taageerro deg-deg ah u fidin xukuumadda dalkaasi ka jirta.
Waxa uu sheegay in xannibaada dhaqaale ay saameyn xooggan ku yeelatay xukuumadda Bamako, isagoo qiray in Jamaacaddu beegsatay gawaari shidaal siday si gaar ah gaadiidka ka yimaadda dalka Sinigaal, islamarkaana ay gacanta ku dhigeen inta badan wadooyinka muhiimka ah ee magaalada soo gala.
Cabdi Fataax ayaa intaa ku daray in hadii ay dhacdo in Mujaahidiinta Nusratul Islaamka ay la wareeggaan Bamako ay saameen xooggan ku yeelan doonto dalalka saaxilka iyo guud ahaan Waqooyiga, Galbeedka iyo bartamaha Afrika.
“Dalalka kala duwan ee isbahaysiga waxaa saameyn doona faafitaanka kacdoonka kooxaha Islaamiyiinta haddii ay ku guuleystaan inay qabsadaan maamulka Bamako,” ayuu ka dhawaajiyay Cabdi Fataax xilli uu u warramayay wakaalada Anadool.
Sidoo kale, khabiirkan ayaa shaaca ka qaaddey in xukuumadda Bamako ay culeys xooggan ka wajahayso, islamarkaana ay ka liidato xagga amniga iyo militeriga, isagoo sheegay in dagaallada sokeeye iyo af-gembiyada militeri ay door weyn ku leeyihiin hoos u dhaca weyn ee ku yimid amniga dalka.
Walaacyada iyo digniinaha isdaba joogga ee ku aadan la wareegidda Mujaahidiinta ee Bamako ayaa kusoo beegmaya xilli dalalka reer Galbeedka, oo ay ku jiraan Mareykanka, Faransiiska, Ingiriiska, iyo Talyaaniga, ay muwaadiniintooda ku booriyeen inay ka insixaabaan magaalada.
Sidoo kale, waxay arrintan kusoo aadeysaa xilli Mujaahidiinta Jamaacadda Nusratul Islaam Wal-Muslimiin ay ku tallaabsanayaan horumarro militeri iyo siyaasi, iyagoo dar-dar galiyay howlgallada fariidka ah ee lagu boqno goonayo maleeshiyaadka xukuumadda dabadhilifka ah ee Mali.
Howlgallada Jamaacadda waxaa laga xusi karaa weerrar Jimcihii lasoo dhaafay ay ku beegsadeen maleeshiyaadka maamulka Bamako, iyagoo si buuxda ula wareegay saldhigyada cadawga, waxaana weerrarkan Allaah fadligii dhimasho iyo dhaawac ku noqdey ugu yarraan 140 askari.
FAAFREEB PRO