Golaha mucaaradka ee isugu yeerra “Golaha Mustaqbalka Soomaaliyeed” kaasoo ay ku mideysan yihiin maamulada ridada ee Puntland, iyo Jubaland iyo madasha Samatabixinta ayaa soo saaray war saxaafadeed ay uga hadlayaan xaalada siyaasadeed ee kooxda ridada Soomaaliya.
Bayaanka ay soo saareen golahaan mucaaradka ayey ku eedeeyeen Xasan Gurguurte inuu doonayo muddo kororsi, maadaama mudde xileedkiisa ay ka harsan tahay muddo dhowr bilood ah.
Waxay sheegeen inaysan marnaba aqbali doonin muddo kordhin uu sameysto Gurguure, oo sidoo kale ay ku eedeeyeen inuu wax ka badal sharci darro ah ku sameeyey Dastuurka ridada.
Waxay sidoo kale mucaaradka kusoo hadalqaadeen war saxaafadeedkooda in kooxda ridada ee Xasan Gurguurte ay wali wado boobka hantida caamka ah iyo barakacinta shacabka danyarta ah ee ku dhaqan Muqdisho.
Golahaan ayaa sidoo kale bayaankooda ku sheegay inaysan aqbali doonin doorasho aanan heshiis lagu ahayn oo uu qabto Xasan Gurguurte.
War saxaafadeedkaan ayaa imaanaya xili dhamaadka bishaan lagu wado in golahaan ay shirweyne ku yeeshaan magaalada Kismaayo kaasoo laga soo saari doono go’aamo ka dhan dowladda ridada ee Xasan Gurguurte.