Dalka Koonfur Africa ayaa waxaa mar kale laga soo sheegaya dhacdo dil ah oo loo geytay mid ka mid ah ganacsatada Soomaaliyeed ee dalkaasi ku leh ganacsiyada kale duwan.
Dilkan oo ka dhacay mid ka mid xaafadaha magaalada Port Elizabeth ayaa lagu diley qof Soomaali ah oo lagu magacaabi jiray Sharmaarke Aadan Muxumad ka dib markii ay goobtiisa ganacsi ku weerareen kooxo burcad ah.
Sidaba caadada u ah Bolice-ka Koonfur Africa ayaa waxaa ay sheegeen in baaritaano ay sameynayaan, lana soo qaban doono cida weerarka fulisay.
Lama ogo sababta rasmiga ah ee ka danbeysa dilalka iyo dhaca loo geysanayo xarumaha iyo ganacsatada Soomaaliyeed ee ka shaqeyta dalka Koonfur Africa, iyadoo Bolice-ka wadankaasi lagu eedeeyo in iyagu ay qeyb ka yihiin falalka amni darro ee soo noq-noqday.
Dhawaan ayay ahayd markii ruux Soomaali oo la oran jiray Abshir Cali Xuseen ay kooxo burcad ah ku weerareen xaruntiisa ganacsi oo ku taal magaalada Cape Town ee isla wadankaasi Koonfur Africa.
FAAFREEB PRO