Waxaa marba marka ka dambaysay sii laba-laxaadsanaya boobka iyo barakicinta ay magaalada Muqdisho ka wadaan qawlaysatada uu gar-wadeenka ka yahay madaxa kooxda Villa Somaaliya Murtad Xasan Sheekh Maxamuud.
Duqii hore ee kooxda Riddada ugu magacwnaa magaalada Muqdisho murtad Maxamuud Axmed Nuur Tarsan, ayaa afka furtay, waxaanu si weyn uga qaylo-dhaamiyey burburin ay kooxda riddadu kula kacday warshad ku taal magaalada Muqdisho, taas oo shaqaale fara badan ay kala soo bixi jireen masaariiftooda.
Warshaddan ayuu sheegay in loo burburiyey dano gaar ah, iyo dhulkii ay ku fadhiday oo koox shirkad iyo ganacsato ah ay uga baahdeen inay ka dhigtaan baarkinka baabuurta, kadib-na lagu wareejiyey markii ay lacago fara badan u shubeen Xasan Sheekh Maxamuud.
Murtad Maxamuud Tarsan oo xilal kala duwan kasoo qabtay kooxda Riddada Soomaaliya isla markaana soo noqday Guddoomiyaha gobolka Banaadir, ayaa sidoo kale sheegay inuu indhihiisa kusoo arkay oo uu garwaaqsaday dulmiga xarkaha goostay ee ka socda magaalada Muqdisho.
Qaylo-dhaanta kasoo yeeraysa murtadkan ayaa imanaysa xilli Xasan Guruurte iyo kooxdiisu ay dardar xooggan geliyeen dhul-boobka iyo barakicinta ay ka wadaan magaalada Muqdisho, isla markaana ay sii laba-jibbaareen lacagaha baadda ah ee ay ka qaadaan dadka shacabka ah ee ka ganacsada gudaha magaalada.