Boqolaal kamid ah dadkii guryahooda ay xoog ku boobtay kooxda Ridada Soomaaliya ayaa Muqdisho ku qabtay kulankii ugu horreeyay oo jamaaci ah kaasi oo ay uga hadleen sida ay uwajahi doonaan dhulalkii xoogga looga qaatay.
Shir Jaraa’id oo ay qabteen ayay ku sheegeen in aysan nabad ku ledi doonin shakhsiyaadkii loo gacan geliyay dhulalkii ay ku lahaayeen gobolka Banaadir.
Hoggaamiyaal uhadlay guddiga dadkii dhulalkooda ladhacay ayaa warbaahinta usheegay in Muqdisho ay qof iyo qori noqon doonto haddii aan si nabad ah loogusoo celin dhulalkii laga boobay “Xasan Sheekh wuxuu leeyahay dadka hubka halaga qaado taas dhici mayso waxaad arki doontaan Muqdisho oo qof iyo qori ah,mayeeli doono in dhulkii nagala boobay ay shakhsiyaad iibsadaan”ayuu yiri mid kamida guddiga dadka dhulalkooda laboobay.
Shacabkan dhibanayaasha u ah Xasan Gurguurte iyo saaxiibadiis ayaa sheegay in ay kulan layeesheen siyaasiyiinta mucaaradka ah ayna dacwo ka yihiin dhulboobka xarkaha goostay ee ka socda degmooyinka gobolka Banaadir.
Waa markii ugu horraysay oo abaabullo ka dhan ah dhulboobka ay sameeyaan guddiyada dadkii guryahooda sida xoogga ah lagu burburiyay waxayna digniin culus udireen ganacsatada ku haminaya in ay iibsadaan dhulalkooda.