Wararka ka imaanaya galbeedka Afrika ayaa tilmaamaya in la xiray madaxweynaha dalka Guinea-Bissau, ninka lagu magacaabo Umaro Cissoko, iyadoona lasoo sheegayo in wadankaasi uu ka dhacay afgambi.
Ciidamada dalkaasi ayaa weeraray xarunta madaxtooyada, iyagoona xiray Madaxweynihii dalkaasi, sida ay sheegtay warbaahinta.
Militry-ga dalkaasi ayaa shaaciyey iney si buuxda ula wareegeen maamulka dalkaasi, kaddib markii muran siyaasadeed uu ka dhashay doorashadii madaxtinimo ee ugu dambeysey.
Ciidamada ayaa sheegay in habkii doorashadu uu noqday Madaxweynaha uu mugdi geliyey kalsoonida shacabka, taas oo sababtay in xaaladda dalka ay faraha ka baxdo.
Sida ay sheegeen warbaahinada, ciidamada dalkaasi ayaa hakiyey doorashada dalkaasi, waxayna xireen xuduudaha dalkaasi, sidoo kalena waxay la wareegeen dhammaan xarumihii dowladda dalkaasi ay ku shaqeynaysay.
Dalkaan Guinea-Bissau ayaa waxaa horay usoo marayey Afgambiyo dhowr ah, kuwaasi oo saameyn ku yeeshay xasiloonidii dalkaasi, waxaana muddooyinkii lasoo dhaafay taagnaa muranka ka dhashay doorashadii dalkaasi ka dhacday.