Wararka ka imanaya dalka Maraykanka ayaa sheegaya in weerar geystay khasaare isugu jira dhimasho iyo dhaawac uu habeennimadii xalay ka dhacay magaalada Stockton ee gobolka California.
Weerarkan oo si gaar ah loogu bartilmaameedsaday goob xaflad ah ayaa lagu dilay ugu yaraan 4 qof, halka 14 kalena lagu dhaawacay, sida ay xaqiijiyeen laamaha ammaanku.
Eedaysanaha kiiskan ayaa la sheegay inuu baxsaday, waxaana ku xigeenka duqa magaalada Stockton uu ka sanqariyey in ninkani uu beegsaday goob xaflad dhalasho ay ka socotay.
Sidoo kale afhayeenka xarunta laanta amniga ee degmada San Joaquin County ayaa sheegay in falkani uu u muuqdo mid si bareer ah goobtaasi loo bar-tilmaameedsaday.
Ilaa hadda ma jirto cid falkaasi loo soo xiray sida uu ka dhawaajiyey Heather Brent oo ah afhayeenka laanta amniga ee degmada San Joaquin County.
Sidoo kale lagama hayo xukuumadda Trump wax faahfaahin ah oo ku saabsan sababta ninkan ku kalliftay fulinta falkan geystay khasaaraha baaxadda leh.