Wararka ka imaanaya wadanka Koonfur Afrika ayaa ku waramaya in habeenimadii xalay dalkaasi lagu dilay ruux Soomaali ah.
Dilka ayaa si gaar ah waxa uu uga dhacay deegaan lagu magacaabo Philippi oo ka mid ah deegaanada hoostaga magaalo Xeebeedka Cape town.
Burcadka Koonfur Afrikaanka ah ayay wararku sheegayaan in ay ruuxaan Soomaaliga ah ay ku dhax toogteen goobtiisa ganacsi, iyaga oo doonayay in ay boobaan hantidiisa.
Qofka la dilay ayaa lagu magacaabi jiray Qaasin Cabdi Xasan oo kamid aha ganacsatada Soomaalida ah ee sanado kahor dalkaasi ushaqa tagay.
Booliska Koonfur Afrika ayaa lasoo warinayaa in dhacdada kadib ay goobta soo gaareen, balse baartitaanada ay sameeyeen aysan kasoo bixin wax natiijo ah.
Islamtodobadkaan gudihiisa ayeey aheyd markii sidaan oo kale isla deegaankaasi lagu dilay ganacsade Soomaali ah oo lagu magacaabo Maxamuud Cabdi Cismaan.
Dilkaan ayaa qeyb ka noqonaya dilalka sida joogtada ah ee dalka Koonfur Afrika loogu gaysanayo dadka Soomaalida ah, sanadkasta ayaana lasoo diiwaangaliyay dilalka tobanan ganacsato ah oo sidoo kale la boobo hantidooda.