Saraakiil sarsare oo katirsan taliska ciidanka dowladda Saliibiyadda Mareykanka ee qaaradda Afrika ayaa booqasho aan horay loosii shaacin ku tagay magaalada Addis Ababa ee caasimadda dalka Itoobiya.
Wafdigan oo ka socday AFRICOM ayaa kulamo laqaatay Abiy Axmed, R/wasaaraha Itoobiya iyo Jeneraal Birhanu Jula, oo ah taliyaha ugu sarreeya ciidamada melleteriga xabashida.
Qoraal kasoo baxay xafiiska R/wasaaraha Itoobiya ayaa lagu sheegay in kulan heerkiisu sarreeyo ay laqaateen General Dagvin R.M. Anderson oo kamid ah saraakiisha AFRICOM, waxaana kulamada diiradda lagu saarayay arrimaha ammaanka geeska afrika iyo loollanada mandiqadda kasoo cusboonaaday.
Jeneraal Birhanu Jula oo kulanka qeyb ka ahaa ayaa isna sheegay in jeneraallada American-ka ah ay uriyaaqeen damaca Itoobiya ee ah in ay marin biyood ka hesho badda Cas.
“Wafdiga American-ka ah ee aan kulanka laqaadanay waxaan ugudbinay rabitaanka Itoobiya ee ah in ay hesho marin badeed iyadoo loo adeegsanayo wadiiqooyin nabadeed iyo horumarin dhaqaale” ayaa lagu yiri war kasoo baxay wasaaradda difaaca xabashida Itoobiya.
Wararka ayaa intaas ku daray in General Dagvin R.M. Anderson oo American ah uu taageeray rabitaanka Itoobiya ee ah in ay mar uun gomodaha soo dhigato badaha geeska Afrika.
Socdaalka wafdigan katirsan ciidanka Mareykanka ee Itoobiya gaaray ayaa kusoo aadaya xilli ay Asmara iyo Addis Ababa qarka usaaranyihiin in uu dhaxmaro dagaal lagu hoobto, islamarkaana dagaallo ahli ah ay ka holcayaan waqooyiga Itoobiya.