Isku soo baxyo ka dhan ah dhul-boobka uu caasimadda ka wado madaxa kooxda Riddada Somalia, murtad Xassan Gurguurte ayaa maanta ka dhacay degmada Yaaqshiid ee magaalada Muqdisho.
Shacab aad u careysan oo ka cabanaya dhul-boob kooxda Riddadu ka wado xaafadaha Coca-cola iyo Eeneeyo ee magaalada Muqdisho, ayaa isugu soo baxay waddooyinka waawayn ee xaafadahaasi, waxayna halkaasi ku muujiyeen sida ay uga soo horjeedaan dhul-boobka lagu hayo.
Muuqaallo baraha bulshada lagu faafiyay ayaa muujinayay maleeshiyo kooxda Riddada Soomaaliya usoo hubeysay difaaca dhul-boobka, kuwaas oo la arkayay iyaga oo rassaas nool nool la dhacaya shacabka careysan ee dareenkooda muujinayay.
Dadka isku soo baxyada sameeyay ayaa la wareegay waddooyin muhiim ah, waxayna jidadkaasi ku jareen dhagxaan, iyagoona ku gubay taayirro, halku-dhigyo ka dhan ah murtad Gurguurte ayayna ku ku dhawaaqayeen, jawiga goobihii uu shalay isku soo baxa ka dhacay ayaana ahaa sida tan.
Mid ka mid ah xubnaha siyaasiyiinta mucaaradka oo lagu magacaabo Koofi Aadam, ayaa bogaadiyay tallaabada ay qaadeen shacabka kunool degmada Yaaqshiid, qoraal uu bartiisa Facebook kusoo daabacay ayuuna nuqul ka mid ah ku yiri “waxaan bogaadinaya dadka degmada Yaaqshiid oo iska diiday in la boobo oo la barakiciyo. Intii ay hore u qaateenna meel dheer ma geynayaan oo caddaaladdu marka ay shaqayso ayaa laga dabatagi doonaa insha allah, iyagana lala xisaabtami doonnaa.”
Isku soo wada duubo, waxay tani qayb ka tahay tallaabooyinka ay dadka rayidka ah kaga soo hor-jeedaan dhul-boobka xarka goosadka ah ee ay madaxda Riddadu ka wadaan magaalada caasimadda ah ee Muqdisho.