Warbixin culus oo kasoo baxday Dowladda Mareykanka iyo ilo amni oo caalami ah ayaa xaqiijisay in nidaamka e-Visa ee ay sameysay kooxda ridada Soomaaliya si buuxda loo jabsaday, lana dhacay dhammaan xogta dad gaaraya ilaa 35,417 qof ee codsaday fiisaha.
Jabsiga nidaamkaas ayaa sababtay in xogaha gaarka ah ee kumannaan muwaadiniin ah oo ay ku jiraan 2,298 Maraykan ah iyo 3,027 British ah lagu faafiyo baraha kala duwan ee internet-ka.
Xogta la jabsaday ma ahan oo keliya magacyada, dhalashada, sawirrada, iyo lambarrada baasaboorrada, ee waxa ay warbixinnadu caddeeyeen in xitaa lala baxay xogaha bangiyada, faahfaahinta kaararka lacag-bixinta, iyo macluumaadkii maamulka sare ee nidaamka, sida erayada sirta ah ee maamulka uu adeegsado.
“Tani waxay muujinaysaa in nidaamka gebi ahaanba la hareeyay oo ay suurtagal u noqon wayday inuu si naba uga badbaado weerarka dhanka Internet-ka ah ee lagu soo qaaday” ayaa lagu yiri qoraalka warbixinta.
Khataraha laga dhaxli karo jabsigan lagu sameeyey dadka intan la eg xogtooda ayaa loo kala qaaday ilaa Labo qeyboo, waa tan koowaadee in dadkan ay la kulmaan halis dhaqaale maadaama dhammaan dadka adeegsaday nidaamka e-Visa halis ugu jiraan in lacagtooda la xado, aqoonsigoodana loo adeegsado arrimo maaliyadeed.
Iyo dhanka Labaad oo ah dhan amni, maadaama ay xogtooda oo idil la haayo, baqdinta ugu xoogan ayaana ka imaaneysa dhanka gaalada cadaanka ah oo ka cabsanaya iney weeraro kala kulmaan ciidanka mujaahidiinta Al-Shabaab ama xitaa la qafaasho.
Dhanka kale jabsiga lagu sameeyey erayada sirta ah ee maamulka sare ee E-Visa uu adeegsanayey ayaa lagu waramayaa iney sababi doonto haliso badan sida in la arki karo xogta dadka cusub ee soo dalbanaya, fiisooyin been abuur ah la soo saari karaa iyo dadka muhiimka ahna la dabagali karo.
WQ/ TEAM FAAFREEB