Xilli xiisado colaad ay ka jiraan duleedyada degmada Belexaawo ee gobolka Gedo ayay saraakiisha dowladda saliibiyadda Kenya walaac ka muujinayaan xiisadaha udhaxeeya kooxda Riddada Soomaaliya iyo maamulka isku magacaabay Jubbaland.
Mas’uuliyiin katitsan dowladda Kenya ayaa sheegay in maleeshiyaad farabadan oo daacad u ah Axmed Madoobe ay kusoo qulqulayaan Mandheera halkaas oo ay ka abaabulayaan weerar ay dib ugu qabsanayaan Beledxaawo.
Guddoomiyaha magaalada Mandheera ayaa goob fagaara ah uga dhawaaqay in ay xoog isaga saari doonaan maleeshiyaadka Jubbaland wuxuuna ku eedeeyay in ay halis gelinayaan deganaanshiyaha magaalada.
Max’med Aadan Khaliif ayaa madaxweynaha Kenya ugu baaqay in uu arrinta soo farageliyo,wuxuu muujiyay cabsida ay ka qabaan in dagaallada Beledxaawo ay saameyn weyn ku yeeshaan Mandheera.
Dowladda Kenya waxay uga digtay ciidamada Xabashida Itoobiya ee ku sugan deegaanka Suufka in ay sii huriyaan colaadda Beledxaawo waxaana Itoobiya loogu baaqay in ay ka fogaato degmada Mandheera.
Dagaallo isbuucyadii lasoo dhaafay ka dhacayay degmada Beledxaawo waxaa ku dhintay tobanaan ruux oo ubadan dhinacyadii dagaallamayay waxaana ugu dambeyn gacan ku heynta magaalada lawareegay maleeshiyaad katirsan kooxda Riddada Soomaaliya.